Moldova devletindä administrativ-teritorial reforması geliştiriler. O doorudulu administrativ kurumnarın genişletmesinä hem soţial izmetlerin kaliteli çalışmasına. Kendi bakışlarını reforma için IPN informaţiya agenstvosunda açıkladılar hak doktoru İgor Yanak hem Komrat kasabası primarı Sergey Anastasov. Taa deerindän süjetımızda açıklayacez.
KDU doţenti hem hak doktoru İgor Yanak çizgeledi , ki administrativ-teritorial reformasınıgeliştirärkän, ayırı dikkatlıı küçük küülerin erleşmesinä lääzım esaba almaa, angıları amalgamaţiyadan sora var nasıl karşı gelsinnär zor durumnan infrastruktura ilerlemesi tarafından.
İGOR YANAK hak doktoru , KDU doţenti
«Bu reformanın yufka tarafı te onda, ani küçük küülär var nicä ilerdän kabletmesinnär tutturmak paraylan hem işlär, angıları infrastrukruraylan baalı var nasıl durgunsunnar».
Hak doktorun laflarına görä , geliştirärkän reformayı lääzım herbir küüyün hem kasabanın bakışını esaba almaa, sayȇr İgor Yanak.
İGOR YANAK hak doktoru , KDU doţenti
«Bän düşünerim , bu reforma olarsa da, soruşlar angıları büün da var küülerdä hem onnarın primarlarında, hep
kalaceklar. Primarlar kararlamayaceklar soruşları , angıları korkunçsuzluklan, üürenmäklän hem insannarın saalıınan baalı. Onnarı merkez kuvetleri sade kararlayabileceklär».
Taa bir soruş , angısı reformaylan baalı – o finanslar. Komrat kasabanın primarı Sergey Anastasov sayȇr, ani küülerin toplanmasın geliştirmesi için – ilkin lääzım özel mehanizmaları kullanmaa , ki paraları ilerdä payetmää.
SERGEY ANASTASOV Komrat kasabası primarı
«Amalgamaţiya reforması için kanonda özel hem derindän lääzım açıklamaa, nicä büdjet payedilecek: bakarak insanın sayısına küülerdä hem başka koefiţiyenlerä dä».
Sergey Anastasovun bakışına görä , finans koşulları reformadan taa onun çeketmesindän lääzım belli etmää, ki onnarı kanona geliştirmää . Laf gider küülerin aralarında finansların payedilmesi için.
SERGEY ANASTASOV Komrat kasabası primarı
«Bunu en ilkin esaba almaa lääzım, neçinki küülerin hem kasabanın toplam bücetı olacek, diil ayırı. Bu soruşlar en önemni».
Komrat kasabası primarı çizgeledi , ki reforma küülerin infrastrukturalarını ilerletsin hem büdjetlarını var nasıl zeedeletsin. Ayırı dikkatlık o erli kuvetlerin aaralarında vergi gelirlerin payedelmesinä verer.
SERGEY ANASTASOV Komrat kasabası primarı
«Çıkȇr , ani bizdä kasabada 50 % vergi gelirlerindän , ama küülerdä sä 100%. Her bizä da brakarsaydılar 100 nicä küülerä , ozaman birtürlü hem dooru olacek. Her brakmarsalar 100% , ozaman durum taa bet nekadar küülerdä olacek».
Toplantının pay alannarı geldilär bir fikirä , ani administrativ-teritorial raforma geliştirmesindän sora , en önemni soruşlar finansların payedelmesinnän , koşulları korumasınnan baalı lääzım olsunnar, angıları küülerin ilerlemesini infrastruktura hem başka taraflardan vereceklär.