Kirsova küüyun Tuzlova adına liţeyindä geçti yortulu olay,angısında hatırladılar en ii üürenicileri, olimpiadaların enseyicilerini hem okulun yaşamasında aktiv pay alannarı.
Tuzlova adına liţeyin 11 klasın üürenicisi Ȇvelina Kovalova, anasının laflarına görä, her gün 3 saadın içindä evdeki işi yapȇr, da bu da oldu temel onun üüsek çıkışlarına olimpiadalarda.
«Duygular çok var.Hodullanȇrım kızımnan, onun bilgilerinnän.Regional hem respubika uurlarında çıkışlarınnan. Bütün pedagogika kollektivin uuru bu.Bän nicä mamu onu herzaman tutturȇrım».
«En ilktän, istäärdim ayırı şükür etmää anamı,angısı herzaman tutturardı beni, inanardı bana, vermärdi kolaylık brakılmaa. Ama çok üüenmää, okumaa, işlermää – bunsuz kısmet olamacek. O da lääzım, ama düşünerim,ani bilgilär taa önemli rolü oynȇȇrlar».
Yortulu olay «Tutuştur yıldızı» topladı bireri 50 üüreniciyi hem ana bobayı. O adalı oldu Slavän yazısının hem kulturasının gününä. Kirsova küüyün liţeyin başı Oksana Razgradskaya nışannadı,ani bölä olaylar yardım ederlär destek vermää uşaklara göstermää taa ii çıkışları üüretim proţesin vakıdında.
«Bizim neetimiz- göstermää en ii üürenicileri, desteklemää kalanını üüsek çıkışlara gelecektä»,- Oksana Razgradskaya nışannadı.
Olaya teklif edildilär olimpiadaların tarayıcıları nicä regional ölä da respublikanın uurundan, onnarın anaları-bobaları, 9 klasın başarannarı Tanasoglo adına gimnaziyasından,angıları gelän üüremäk yılında kendilerinä deyni belli etsinnär lääzım gideceklär liţeya yada koledja. Anna Kösä ayırdı bir yıl geeri gelmää liţeya gimnaziyadan.
«Sevineriz,ani bölä çıkışlara etişti,ani respublika uurunda bölä sonuçlar var. Şükürlük üüredicilerä bulgar hem romın dillerindä.Şükürlük kızımın bölä çıkışları için»,- Anna Kösä nışannadı.
10 klasın üürenicisinin Anna Kösenin çıkışları oldular diil sade aylä için hodulluk,ama bütün liţey için da. Nicä üüretim kurumun öndercilii haberleer, olimpiadalarda hem yarışmaklarada pay almak kaldırȇr liţeyin uurunu.
«Biz, pay alarak regional hem respublika uurlarından olaylarda, kaldırȇrız üüretim merkezin prestijını»,- Oksana Razgradskaya nışannadı.
Nışannandılar taa küçük okulcuların üüsek çıkışları da. 8-nci klasın komandası üüsek uurda intelektual oyunnarda kendisini gösterdi.
«Şükürlük bizim klasın üüredicisinä Mariya İvanovnaya onun için, ani o topladı bölä komandayı, biz taradık.Da şindi bizim yolumuz –illeri gitmää hem brakılmamaa».
«Bunun için,elbetki lääzım kuvet, ama diildi pek zor. İsteerim şükür etmää hepsi üüredicileri,angıları üürederlär bizi, vererlär bilgileri hem yardım ederlär etişmää ii çıkışlara».
«Bizim işimiz dooruluydu çıkışı kabletmää. Hodullanȇrım uşaklarlan. İlkindän birkaç komandaya klası paylaştırdık, onnarın istemeklerinä hem çıkışlarına görä.Hodullanȇrız,ani onnardan birisi üüsek uura etişti».
Tuzlova adına liţeyindä büük dikatlıı doorudȇrlar üüretmenin kalitesinä. Nicä tutmaa üüsek çıkışları, uşakları desteklemää, eni uuretim uurlarını illerletmää- bu soruşlar büün haliz en pek aktual liţeyin administraţiyası için.
«Birkaç yıl sıravardır bizim 12 klasın başarannarı ii uurda ekzamenneri vererlär, 100% kablederlär bakalavra diplomnarını, üüsek üüretim merkezlerinä üürenmää giderlär. Gimnaziyada da üüsek çıkışlar var. Bu yıl topladık büük liţey klasını, ayırı, gider genel profilä görä.Bu yıl kablettik kayıllıı ona, da öbür yıla illerledecez üüretmeyi hep ona görä»,- Oksana Razgradskaya nışannadı.
Yortunun muusafirlerin laflarına görä, olay oldu örnek,ani okul çıkışları, üüredicilerin hem anaların bobaların tutturması getirerlär ona,ani uşaklar etişerlär eni üüsek çıkışlara hem kaavilederlär üüretim merkezin uurunu.