Milli Antikorrupţiya uzmannarı hem prokurorları geçirdilär aaraştırmakları davaa işinä görä passiv korrupţiya için.
Davaa işinä görä ekonomika hem üridik fakultetların dekannarı yakalandılr 72 saada. Bu vakıtta KDU başı da şüpeli,ama diil yakalı. GRT jurnalistin daanışmasına kommentariya için, rektor S.Zahariya haberledi,ani açıklamȇr bişey bu soruşa.Davaa işin materiallarına görä, belli edilmiş kişilär şüpelenerlär onda, ki istärdilär hem alardılar kanona karşı para studentlerdän zaçotları hem ekzamennarı ii vermää deyni, gezmeyeräk derslerä hem geçmeyeräk akademiya testlarını.Aaraştırmakların vakıdında dokumentlandı birkaç olay para almakta studentlerdä, bu sayıda yabancı vatandaşlar da, üüretim proţessindä taa çok kolaylıkları vermää deyni. Bundan kaarä alındılar hesaba olaylar,angılarında liţenţiya yaratmaları başarıldılar da satıldılar paraylan, angıların paaları notalanardı 10 000 leya kadar.Milli antikorrupţiya merkezi kendi saytında tiparladı audio yazılarını bu davaa işinä görä.
Kaabaatı gösterän materialları toplamaa deyni, geçirildilär araştırmaklar evlerdä,iş ofislerindä, trasnportlarında şüpeli kişilerdä. Zından işi illerler,belli etmää deyni hepsini, kim kabaatlı hem toplamaa lääzımnı kabaatı belli edän işleri. Herbir şüpeli kişidä bu davaa işindä var kabaatsızlık prezumţiyası taa davaa bitki karar kabletmeyincä bu iştä.