Büük ayın 26-dan gücük ayın 1-nä kadar MD sayıya koyuldu 5735 salgınnan uulaşmak olayı. Bu vakıdın süresindä yardım işin taa çok küçük uşaklar danıştılarţ Bunu presa-konferenţiyası süresindä MD saalık koruması ministrusu Ȇmil Çeban açıkladı.
Büünkü günädün devlettä belli oldu 5735 olay solumak organnarı infekţiyaları uurunda hem 432 salgın olayı, nışannadı MD saalık koruması ministrusu Ȇmil Çeban: «Büünkü günädän devlettä belli oldu 5735 olay, bu sayı sade 3% taa zeedä geçän aydan. Onnarın arasında 432 salgın olayı. Taa sık hastalanȇrlar uşaklar hem gençlär. Yıl zamanına görä-korkunç bişey yok, bu sıradan bir durum».
Ministrunun laflarıa görä dorum göz altında bulunȇr hem dayma kontrol ediler.
«Cümnä saalıını korumak Milli agenstvosu pek dikkat Moldova devletinin epidemiologiya durumunu kontrol eder. Büünkü gündä başka bişey yapmaa lääzım diil»,- Ȇmil Çeban açıkladı.
Suuklamak hem salgın olayları zeedelenmesinnär deyni ministru teklif etti yaşayannarı taa dikkat olsunnar hem korunmak kurallarını esaba alsınnar.
«Saalık koruması ministerlii hem Cümnä saalıını korumak Milli agenstvosu danışȇr MD yaşayannarına biri-birlerindä taa uzakça durmaa, neredä çok insan var orada pek peydalanmamaa, gigiena koşullarını esabaa almaa hem savaşmaa taa sık ellerini yıkamaa. Medik kurumnarına, neredä çok hasta insan var lääzım olmadaan gitmemää. Unutmamaa maskaları taşımaa»,- Ȇmil Çeban açıkladı.
Suuklama hem salgın olaylarından korunmak sıralanmış teklifleri bakmaktan başlȇȇr. Hastalıın ilk simptomnarı peydalandıynan mutlaka aylä doktorlarına yardım için danışmaa, nışannadı ministru.
Avtor: A. Terzi, operator: V. Tabaçuk, montaj: M.Kazaku