Şükürlük gramotaları Komrat Devlet Uniuversitetindän kabletti akademik Todur Zanet hem da Gagauziyanın oyun hem türkü «Düz – Ava» ansamblisi.Yazıcı için bu oldu halizdän sürpiz.
«Açan bän aldım elimä da tanıştım bu şükürläk gramotaylan, bän annadım, ani o verildi bana o üzerä, ani bän sayılȇrım Komrat Devlet Universitetin gimnın avtoru. Hep ölä, ani bän herzaman tutturdȇrım hem da yardımcı olȇrım Gagauziyanın tek Üüsek okulun üüredicilerinä hem da studentlerinä. Burada yazılı, ani gımnın lafların avtoruna, muzikanın avtoru sayılȇr raametli İlya İlyiç Filev. Sayacez, ani bu şükürlük gramota ona da verildi»,- Todur Zanet nışannadı.
Akademik Todur Zanet annattı kendi plannarı için hem da ideyaları için.
«Bän çevirdim pek büük Kirgiziyanın yazıcısının annatmasını. Sayȇrım, ani o halizdän Kirgiziya literaturasının diri klassii, Çingiz Aytmatovun uurunda – bu Aydarbek Sarmanbetov. Adı Kıran – bu hayvan, angısı pek arif, taa büük, nekadar aslan. Peydalandı ölä fikir, tiparlamaa «Bilingvi»kiyadını gagauz hem kirgiz dillerindä, erli sponsor bularsaydım»,- akademik söleer.
Avtonomiyanın hem da Unuversitetin bir en baş prioriteti sayılȇr gagauz dilinın hem kulturasının koruması, çizgiledi akademik Todur Zanet.