2025 –ci yılın avgustun 1-dän şafk için paa düştü. Ȇnergetikayı kontrol edän Millet agentstvosu elektroȇnergiya tariflerini iyülün 29 – da belli etti: şafk 51banä ucuzladı yaşayannara, kim devletin merkezindä hem üülen tarafında yaşȇȇr hem 68 banä, kim devletin poyraz tarafında yaşȇȇr. Karar «Оfiţial monitorunda» tiparlı hem kuvedinä girdi. 

Ȇlektroȇnergiyaya paayın diişilmesi iki büük kompaniyaya da ilişti. Premier Energy, angısı devletin üülen tarafın yaşayannarına şafkı verer 3,59 ley bir kilovat için ödeyeceklär— ne 51 banä taa az. Poyraz tarafında yaşayannara deyni, FEE Nord, tarif 4 ley bir kilovat için tuttȇr, ne 68 banä taa az var olan paadan. 

Premyer – ministr Dorin Reçan söledi, ani Energocom kompaniyası bir vakıt ȇlektroȇnergiyayı taa küçük paaya panayırda alardı, bu lääzım belli edilsin sayılarda.

«Neçin şindi mi? Energocom bir vakıt ȇlektroȇnergiyayı taa küçük paaya alardı. Bunun için ȇnergiya ucuzladı  hem taa dual oldu. Bitki aylar biz  sayıya koyduk 30-40% bir sutkada ȇlektroȇnergiyanın harcını», — söledi Reçan.

Biz yaşayannarımızlan buluşup – sorduk, şafka paayın düşmesi nicä onnarın aylä büdjetindä belli edilecek. 

«50 ban – pek duyulmayacek».

«Duyulaceydı, er taa çok düşürärdilär, ama  buna da sevinerim».

«İnsana deyni pek duyulmayacek». 

«Şindiki fukaareliktä bekim da biraz duyulacek». 

«Sayȇrım, ani duyulacek hem bu önemli».

Eni tariflär avgustun 1-dän kanona görä çalışaceklar.