GHT oturuşunda deputatlar baktılar diişmekleri para yattırımnarda 2025-ci yılına. Listeya teklif edildi eklemää taa iki eni proekt bir million leya.
Taa ileri Bakannık komiteti tekif etti para yattırımnarın listesini 2025-ci yılına tamannamaa iki proektlan Komrat kasabasında — trotuarların düzülmesi Komrattakı Stepan Kuroglo adına gimnaziyanın aulu içindä- 923 bin ley hem Djoltayda güneş panellerin konulması «Еtsuprim» çorbacılıında skvajinalar için- 153 bin ley. Komrat — trotuarların düzülmesi Komrattakı Stepan Kuroglo adına gimnaziyanın aulu içindä 923 280 ley. Djoltay küüyü — güneş panellerin konulması «Еtsuprim» çorbacılıında skvajinalar için 153 000 ley
Hepsi korektirovkalardan sora para yatırımnarın sayısı kuracek 16 million ley, angılarından 6 million erindeki proektlar. GHT başın işini götürän Nikolay Ormanji topluşun süresindä nışannadı, ani bu soruş iş sırasına sora konuldu.
«Bunun için kararladık taa hızlı bu soruşu bakmaa kaybetmemää paraları da onnar kullanılsınnar»,- Nikolay Ormanji nışannadı.
Komrattan deputat Nikolay Dudoglo kayıl olmadı teklif edilmiş işlerinnän nışannayıp,ani kabletti kararı sade onun için ki paralar kaybelmesinnär.
«Bän kayıl oldum neçinki yaptım bir adım geeri, ama bu kararı sayȇrım diil dooru. Kış geldi da onun erinä, ani yapıyı düzmää, örtü akȇr, yapı diil sarılmış- biz yapȇrız pıtikaları. Ama kaybetmemää bu paraları bana sıra geldi kayıl olmaa»,- Nikolay Dudoglo nışannadı.
Soruşu açıklayan deputat Nikolay Raya urguladı, ani paraların pay edilemesi lääızm olsun bakarak yaşayananrın istemeklerinä görä.
«Bän var nicä söleyim, ani büün yaşayannar kararlȇȇrlar bu paraları nereyi harcamaa. Taa paylaştırmadaan biz çıkȇrız insana da sorȇrız, neçinki politiklerdä kendi bakışı, insan sa söleer nereyi taa ii harcamaa paraları. Biz lääzım esaba alalım da ölä da yapalım»,- Nikolay Raya urguladı.
Deputatlar bir sestä kayıl oldular diişmeklärlän para yatırımnarın paylaştırmasında 2025-ci yılına.