Kişinovda greko-rim hem serbest güreşmesi çempionatı geçti.Turnira Moldovanın en kaavi güreşçilär toplandı. 8 medali Gagauziya geldi
Çempionatın 40 medalilerindän -8 Gagaguziya güreşçileri kazandılar. Onnar üüsek uurda hazırlanmaklarını gösterdilär, söleer trener Nikolay Duduglo: «Çempionat pek kızgın uurda geçti.Çoyu güreşlerdä çıkışlar son sekundlarda belli olardılar. Spotçular üüsek becerekliini gösterdilär. 8 medali bizim oldu».
Çempionatın prizörları Gagauziya sportçuları: Vasiliy Lazarev, Nikolay Grahmez, Aleksandr Gaydarcı, Maksim Karabadcak, İvan İkizli, Grigoriy Maov.
«Bän 3 buluşmak geçirdim. İkisini taradım ,birini tarattım. Urgulȇȇrım, ani Gagauziya sportçuları pek ii güreştilär Moldova Çempionatında»,- Grigoriy Maov söleer.
Gagauziya serbest güreşçilerin komandası kaavi kuvedini balli ettilär,urgulȇȇr trener Nikolay Dudoglo.
« Gagauziya sportçuları pek birleşik çalıştılar: liţey –internattan, sport okuldan, Kıpçak küyündän, Kişinövdan. Hepsi trenerleri hem sportçuları kutlȇȇrım»,- trener Nikolay Duduglo söleer.
Sekiz medali Moldova Çempionatından — bu önemli çıkışlar Gagauziyaya deyni, onnar urgulȇȇrlar, ani avtonomiyanın serbest güreş okulu üüsek uura bulunȇr.