Komrat Devlet universitetindä devlet arası bilim praktik konferenţiyası gecti,angısı adalıydı onun 35-nci yıldönümünä. Topluşta pay aldılar üüredicilär ,bilimcilär,kuvetlerin hem kurumnarın temsilcileri. Konferenţiyanın süresindä açıklandı üüretim,bilim illerlemesi hem universitedin rolü uzmannarın geleceendä.
KDU rektoru Sergey Zahariya şükür etti konferenţiyanın hepsi pay alannarını izmeti icin KDU gelişmesindä.O urguladı ,ani universitet- bu insannar ,angıları kurȇrlar onun büünkü gününü hem geleceyin da temelini koyȇrlar. Komrat muniţipiyanın başın yardımcısı Stepan Kara urguladı, ani Komrat devlet universiteti gösterer stabil hem üüsek çıkışları üüretim hem bilim sferalarında. Moldova devletin sport güreşmektä milli federaţiyanın prezidenti Anatoliy Moldovan kutladı KDU bu günnän da urguladı, ani üüsek okul aktiv pay alȇr sport yaşamakta.Studentlerin aralarında var becerikli hem perspektiv sportçular.
«İsteerim , ki siz biläsiniz ,ani hepsi yarışmalara,angıları geçirileceklär, siz şansora teklif ediliysiniz. İsteeriz urgulamaa ,ani sizdä pek islä çıkışlar sizin üürencilerin aaralarında,angıları oldular çempion universitetlerin aralarında hem Moldova devletin çempionatında. Sizin universitetinizdä veriler diplom bu gün için, sizin zaametiniz için üüretim hem sport gelişmesinä hem da sık partnörluk için ilerlemesinä»,- Anatoliy Moldovan kutladı.
KDU sindikat komitedin başı, üüredici Olga Koşeleva urguladı, nekadar önemli bölä buluşmaklar üüredicilerin professional illerlemesindä hem universitetin bilim potenţial gelişmesindä.
«Olmaa üüredici hem bilimci bu gün — bu diil kolay, lääzım diil sade derin bilgilär, ama büük girginnik dä. Alarak esaba sizin professional uurunuzu, arifliinizi hem işä inanınızı, universitet koruyȇr hepsi akademik adetlerini ,gideräk vakıtlan barabar»,- Olga Koşeleva urguladı.
Bilim praktik konferenţiyanın geçirilmesi KDU- dä şansora oldu herylkı adet gibi. Ofiţial payından sora, oluşun pay alannarı illerlettilär işi trening hem üüretim formatta.