«Guţullan Barabar» akţiyası geçer avtonomiyanın herbir yaşamak punktunda. Ona katılêrlar yaşayannar diil sade gagauz küüylerindän hem kasabalarından, amma başka dolaylardan da. 2025 – ci yılın iyül ayın 26-da Kantemir hem Leovo dolayların yaşayannarı «Guţullan Barabar» akţiyasına çıktılar.
Akţiyanın pay alannarı açıkladılar, ani Gagauz avtonomiyasının Başkanı Guţul Evgeniya ev arestindän kolverilsin lääzım.
«Jenä, biz bileriz, ani siz güçlü, arif insansınız. Biz sizi severiz hem tutturȇrız, ii zamnnara umutlanȇrız! Biz enseyecez!».
«Paalı benim, Moldova Vatanım! Dizlerinizdän kalkın da gözlerinizi açın! Jenä, biz hepsimiz ana, mali, dädu. Bizim da var uşaklarımız hem unukalarımız. Seni annȇȇrız hem tutturȇrız. Siz güţlü hem arif bir insansınız. Biz sizdän örnek alȇrız hem hodullanȇrız!»
«Evgeniya, biz severiz hem tutturȇrız. İnanȇrız, ani enseyecez. Gagauz halkını destekleeriz, siz herzaman birliktäysiniz. Gagauzkayım bän da, bunnan hodullanȇrım».
«Bizdä diskriminaţiya devlettä, kuvetlär halka sayıp çıkmȇȇr».
Leovo dolayın yaşayannarı da Gagauziyanın Başkanını Guţul Evgeniyayı destekleerlär, akţiyaya onnar da katıldılar.
«Evgeniya, biz seni destekleeriz hem herzaman seninnän olacez. Gagauz halkını sayȇrız, onnar herzaman birlii hem dooruluu gösterärdilär. Güçlü ol, ayleni hem halkını düşün. Kalan işlerdä yardım etmää savaşacez. Leovodan selemnär!»
Hepsi yazılar advokatlardan verileceklär başkana Guţul Evgeniyaya. Guţul Evgeniyayı kabatlı bulȇrlar kanona karşı politikacılık finanslamasında. Davaa kararına görä o bulunȇr ev aresti altında. Başkan kendi kabaatını kabletmeer.