Büün, avgustun 5-dä Buyukanı sektoru davaası kararını açıkladı. Bu karara görä Başkan Guţul Evgeniya kabaatlı sayılȇr da 7 yıl kapan kabletti.
Bu karara görä ilk komentariy Guţul Evgeniyanın advokatları verdilär. Advokat Natalya Bayram açıkladı, ani onnar taa üüsek uurda davaalara danışacȇklar.
«Bän yok ne söleyi̇m. Ama düşüneri̇m, ani̇ halklararası kurumnarı kendi bakışlarını açıklayacȇklar»,- nışannadı advokat.
Guţul Evgeniya kendi danışmasını advokatlardan yolladı:
«Bän bu kararı kabletmeerim. Bän kendi adımı ötää dooru da koruyacam, kendi üzümü kirletmää kimseyä izin vermeyecäm. Dooruluk için güreşecäm. Beni kimsey enseyämeyecek. Bän mutlak halkımnan bilä olacam hem uşaklarımnan, aylämnän bilä olacam. Biz bu kararı kuvettän çıkaracȇz! Dooruluk enseyecek!»,- nışannadı başkan.
Bu yıl mardın 25-dä Guţul Evgeniyayı aȇroportta arest altına aldılar. İlkin o izolätorda bulundu, nedän sora o evdä bulunarak poliţiya izmetçilerinin gözü altında durdu. Buyukanı sektoru davaası saydı, ani Guţul Evgeniya Moldovanın Kriminal kodeksini bozdu — kanona aykırı politika partıyasının finanslamasında pay aldı.