Protoierey Pötr Koçanсı İoan Predteçe soborunda Allaha hem insana izmet eder. Boba Pötr Avdarma küüyündä duudu.Taa küçük yaştan klisä ona –ayozlu er oldu,neredä o insan sırada kendi raatlıını buldu.
Protoierey Pötr Koçanji, İoan Predteçe soborun din izmetçisi, klirik: «Duudum bän Avdarma küüyündä. Ayläm diildi popaz aylesi. Anam-bobam -kolhozda çalışardılar. İnannarı vardı.İnanıcıydı babum hem dädum».
Boba Pötırın küçüklüü babusunnan geçti, angısı derindän hem bütün candan Allaha inanardı.Halez o ilk kerä elindän tutup küçük çocucaa, kiliseya getirdi. Da taa ozamandan Boba Pötr annadı, ani inan — o bir temel, angısı yaşamanın zor günnerindä dayanmaa yardım eder, inanı, umudu hem sevgiyi kaybetmemää kuvet verer!
«Yaşında beni altarä çaardılar. O zamandan başladım izmet etmää.Herbir insana bän söleerim —Alla versin sizä kaavi inan.Yokkana inan —insan da yok»,- o dedi.
Üürenmäk teologiya seminariyasında Odessada , sora da Moskva akademiyasında, uzaklık ana evindän -taa da kaavileştirdilär inanı.Halez orada boba Pötr kendi eşini buldu, angısı hep ölä derindän Allaha inanardı .Barabar gençlär aylä kurdular, nerädä duva, inan, saygı hem sevgi yaşȇȇr.
«Eşim bana arka oldu ,inanȇrım ,ani ötä dooru da olacek. Var 3 uşamız,onnarı savaşȇrız dooru terbi etmää, zoruna Allah için annatmȇȇrız.Kendimiz örnek olȇrız»,- Pötr urguladı.
Dönüp Moldovaya, boba Pötr ilerletti izmetini ana küündä- Avdarmada, ama büün Komratta İoan Predteça soborunda çalışȇr, Alla lafını insana götürer.Onun duvaları hem nasatları insannarın cannarına ilinnik getirer.
Allaha izmet etmää- insannara yakın olmaa, onnarın acılarını, kahırlarını hem umutlarını pay etmää, aylä paalılıklarını koruma–bunun için protoirey Boba Pötr ecelinä şükür. İnan, angısının tohumnarı onun canında -ta küçüklüktän koyuldu , onun bütün ecelini kapladı, da yaşamanın temeli oldu.